Anëtari i Kryesisë së Partisë Demokratike të vulës, Gazment Koduzi, ka komentuar zhvillimet më të fundit në këtë fraksion të demokratëve, ku në mbledhjen e fundit, pati tensione, sharje dhe paralajmërime ndaj deputetëve, që kanë kundërshtuar zhvillimin e një procesi zgjedhor të brendshëm në këtë parti.
Por sipas Koduzit, e gjitha kjo është bërë për të zhvendosur vëmendjen nga arrestimi i Vangjush Dakos, pasi në të njëjtën ditë me mbledhjen e Kryesisë, ndodhi edhe zbatimi i urdhër-arrestit të vendosur nga GJKKO.
Në një intervistë për Euroneës Albania, Koduzi theksoi se atë ditë të gjithë palët ishin dakord për hapjen e zgjedhjeve në parti.
Ai shtoi më tej se PD është në një situatë të pazakontë duke shtuar se puna në terren ka çaluar.
“Këto ditë ka pasur tentativa për zhvendosjen e vëmendjes se çfarë ka ndodhur brenda në sallë, çfarë është marrë brenda në sallë dhe më e rëndësishme për të zhvendosur vëmendjen nga arrestimi i Vangjush Dakos. Brenda sallës nuk ka pasur asnjë lloj problemi.
Të gjithë palët ishin dakord se si do hapen zgjedhjet në PD. Të gjithë ishin dakord që duhet të përcaktojmë trupën votuese. PD është në një situatë të pazakontë. Kemi 1 vit e ca pa një kryetar të zgjedhur. Kemi parë që puna në terren ka çaluar”, tha ai.
Discussion about this post