Sherr mes të miturve në Tiranë

Të paktën tre të mitur (nën 18 vjecc) janë përfshirë në një sherr mes tyre në Tiranë.

Ngjarja ka ndodhur pasditen e së shtunës në rrugën 5 Maji.

Në konflikt janë përfshirë 3 të mitur, njëri prej të cilëve mësohet se ka mbetur i lënduar dhe është transportuar në spital. Bëhet me dije se dy të tjerët janë shoqëruar në komisariat, ndërsa është sekuestruar një elektroshok, që e mbante një prej personave të përfshirë në sherr.

Policia po punon për zbardhjen e rrethanave të ngjarjes.

Njoftimi nga policia

Tiranë/Informacion paraprak

Më datë 10.06.2023, rreth orës 19:20, në rrugën “5 Maji”, janë konfliktuar dy të mitur të moshës 14 vjeç.

Si pasojë njëri prej tyre është dëmtuar dhe ndodhet në spital, nën kujdesin e mjekëve, ndërsa tjetri është shoqëruar në komisariat për veprime të mëtejshme procedurale.

Gjatë kontrollit të njërit prej të miturve është gjetur një pajisje elektroshok.

Grupi hetimor po punon për sqarimin e rrethanave të ngjarjes.