Mediat e huaja kanë publikuar detaje të reja për vrasjen e shqiptarit, Flamur Beqiri në Britaninë e Madhe. Sipas raportimeve, shqiptari u qëllua për vdekje në prag të Krishtlindjes nga një grup ekzekutorësh suedezë, krim që e kishin planifikuar prej 6 muajsh.
Flamur “Alex” Beqiri, 36 vjeç, u qëllua për vdekje jashtë shtëpisë së tij 1.5 milion paundë në Battersea, në jug-perëndim të Londrës, rreth orës 21:00 më 24 dhjetor 2019.
Babai i dy fëmijëve kishte dalë për darkë në restorantin Colbert në Sloane Square me gruan e tij Debora Krasniqi para se të qëllohej disa here. Hetuesit thanë se ai u qëllua nga pas dhe u vra para syve të gruas dhe djalit të tij dy vjeçar.
Prokurori Mark Heywood u shpreh se: “Viktima u vra me gjakftohtësi në një rrugë të qetë të Londrës”.
Heywood tha se vrasja ishte planifikuar për rreth gjashtë muaj, me vrasësit që vinin nga Suedia. Ekzekutori, shtetasi suedez-tunizian Anis Hemissi, 24 vjeç, është në gjyq, por e ka mohuar vrasjen.
Edhe shtetasit suedezë Estevan Pino-Munizaga, 35, Tobias Fredrik Andersson, 32 vjeç dhe Bawer Karaer, 23 vjeç, të cilët thuhet se kanë qenë pjesë e ekipit ‘në terren’ të dërguar për të ndihmuar Hemisin, mohojnë gjithashtu vrasjen.
Discussion about this post