Prej disa javësh në të gjithë Shqipërinë, kemi të bëjmë me një mot të pazakontë për vendin tonë, ku gjatë paradites moti është i kthjellët dhe i nxehtë, ndërsa padite shoqërohet me rrebeshe të forta shiu dhe stuhi ere.
Pasditen e së dielës kanë mjaftuar vetëm pak minuta shi që kryeqyteti shqiptar i cili drejtohet nga kryebashkiaku socialist Erion Veliaj “të zhytet” nën ujë. Pothuajse në të gjitha lagjet e Tiranës ka patur përmbytje, përfshirë këtu “Don Boskon”, “Qytet Studentin”, “9-Katëshet”, “Pallati me Shigjeta”, “Komuna e Parisit” dhe shumë zona të tjera në Tiranë të cilat po notojnë në ujë.
Në zonën e Don Boskos në Tiranë, rrugët janë përmbytur nga reshjet e shiut, ndërsa duket se kanalizimet kane dale jashtë funksionit dhe nuk e kanë përballuar intensitetin e reshjeve.
Në foton e mëposhtme duket sikur kryeqyteti Europian i Rinisë, është qindra vite mbrapa dhe këtë situatë e ka sjellë qeveria e “rilindjes”.
Gjithashtu në disa pamje të siguruara nga JOQ tregojnë rrugët e lagjeve të Tiranës të mbuluar nga uji, si pasojë e reshjeve të shiut.
Nga pamjet që qarkullojnë në media, shihen disa rruge që janë përmbytur duke krijuar vështirësi në qarkullimin e këmbësorëve dhe biçikletave.
Ky është një problem që përsëritet çdo vit dhe asnjë masë duket se nuk është marrë nga kryetari i Bashkisë Erion Veliaj në këtë drejtim.
https://www.instagram.com/reel/CtWyiDOIu0w/?utm_source=ig_embed&ig_rid=30812a32-19b7-4f36-a216-a9a9f056cff4
Discussion about this post