Sipas Policisë, i mituri kishte vjedhur cigare elektronike me disa shokë. Publikimi i videove të kamerave të trupit të policëve tregojnë ndjekjen dhe ndalimin.
Një episod i ri dhune ka ndodhur në SHBA nga policia, ndaj një shtetasi afrikano-amerikan.
14-vjeçari Jor’Dell Richardson u qëllua në bark nga një oficer jashtë një dyqani në Aurora, Kolorado.
Sipas efektivëve, i mituri kishte vjedhur cigare elektronike me disa shokë më 1 qershor. Nga publikimi i videove të marra nga kamerat e policëve u zbulua se djali tentoi të arratisej, por u bllokua nga një prej oficerëve.
Menjëherë pas arrestimit të 14-vjeçarit, në vendngjarje ka mbërritur një tjetër polic, i cili fillimisht e ka kërcënuar se do ta qëllojë dhe më pas ka tërhequr këmbëzën. Lutjet e djalit ishin të kota.
“Ndalo të lutem, më ke kapur”
Oficeri që e nguli djalin në tokë quhet James Snapp. Pikërisht atij Jor’Dell e pyeti, i tmerruar: “Ndalo, të lutem. Më ke kapur”.
Tjetri, ai që e vrau, Roch Gruszeczka. Në video dëgjoni këtë të fundit të thotë. “Lëreni armën e ndyrë.”
Dhe përsëri: “Unë do të të qëlloj”.
Djali nuk ishte i armatosur!
Realisht, 14-vjeçari nuk kishte armë të vërtetë, por një pistoletë me ajër.
Shefi i Departamentit të Policisë Aurora, Art Acevedo tha në një konferencë për shtyp se një hetim është hapur.
“Pavarësisht rezultatit, kjo është një tragjedi, sepse një i ri ka humbur jetën”.
Discussion about this post