Kandidatët për ambasadorë të propozuar nga Qeveria zhvilluan sot seancat dëgjimore në Komisionin e Politikës së Jashtme në Parlament, përpara se procesi të vijojë me dekretimet nga Presidenti i Republikës.
Ilir Gjoni, i cili është ambasadori i Shqipërisë në Zvicër, dhe është propozuar në të njëjtin fuksion pranë NATO-s, tha se do të punojë për të nxitur më shumë vëmendjen e NATO-s në rajon.
Ndërsa Ridi Kurtezi, i propozuar për ambasador në Emiratet e Bashkuara Arabe tha se prioritet do të ketë realizimi i një marrëveshje ekstradimi me Emiratet e Bashkuara, i cili jo pak herë është cilësuar si vendi që strehon bosët e mafies.
Të radhës që prezantuan platformat e tyre para komisionit ishin gazetari Mustafa Nano i cili është propozuar për ambasador në Zvicër dhe Majlinda Frangaj për selinë e shenjtë në Vatikan.
Discussion about this post