8 ditë pas krimit makabër në Grecalli të Fierit, familjarët e vogëlushit kanë hyrë në shtëpinë e tmerrit, ku Klodian Çalamani vrau dhe groposi Mateon. Pasi janë hequr shiritat e skemës së krimit, familjarët kanë ndezur qirinj në gropën ku Klodian Çalamani groposi 8-vjeçarin.
Ndërkohë, familjarët pretendojnë se një e afërme e familjes di rrethanat dhe të vërtetat që shtynë 38-vjeçarin t’i marrë jetën fëmijës së mitur. Mbetet e çuditshme sesi grupi hetimor, po punon me ritme shumë të ngadalta për të zbardhur plotësisht këtë krim makabër, për të cilin ende nuk dihet as motivi.
Autori i kësaj ngjarje horror nuk ka pranuar të japë detaje mbi motivet e krimit, ndërkohë që pritet që grupi hetimor të marrë deklaratat e personave, ku dyshon familja e të zbardhet ngjarja makabër në fshatin Daullas që ka tronditur opinionin publik.
Familja e 8-vjeçarit ka protestuar për ditë me radhë në kërkim të dënimit me vdekje të monstrës, por nga ana tjetër ka ngritur dyshime të forta, duke paraqitur edhe fakte se ai nuk e ka kryer krimin i vetëm.
Discussion about this post