Piktorja shqiptare nga Prizreni, Gerta Hameli, ka denoncuar rastin kur asaj i kanë vjedhur pikturat në ekspozitën para Akademisë së Arteve në Tiranë. Aktiviteti është organizuar nga 14 deri më 20 Mars, dhe pas përfundimit pikturat e pa shitura do duhej ti ktheheshin pjesmarrësve. Piktorja kishte sjellë 5 piktura për ti tregtuar, me rastin e ekspozitës së titulluar “Artium Tirana”.
Piktorja nga Kosova denoncon vjedhjen e pikturave të saj në
Gerta Hameli
Bëhet me dije se çmimi i pikturave të studentes së arteve ishte 500 euro për copë. Në lidhje me këtë rast janë pyetur edhe drejtues të Akademisë së Arteve, dhe organizatori i eventit por ende nuk është zbuluar gjë.
Piktorja nga Kosova denoncon vjedhjen e pikturave të saj në
ekspozita
Ajo ka thënë për WebLajm se ka depozituar një kallëzim penal në policinë e Tiranës, por ende nuk ka marrë një përgjigje nëse janë gjetur pikturat.
Intervista me piktoren Hameli
Si ju lindi idea për të sjellë pikturat në Tiranë, patët një ftesë?
Përshëndetje, ftesa për ekspozitë në Tiranë më erdhi nga një kolege e cila kishte kontakt me organizatorët. Pasi që pash se organizohej nga Fakulteti i Arteve të Tiranës dhe Ministria e Eventeve mua mu duk një mundësi shumë e mirë për të ekspozuar punën time si një studente.
Keni depozituar një kallëzim penal, janë gjetur pikturat tuaja?
Po, në policinë e Tiranës, por akoma nuk kemi marrë lajm se a janë gjetur apo jo pikturat, akoma presim…
Çfarë përjeton një artist kur i vjedhin pikturën, artin, punën?
Është vështirë një situatë e tillë të shprehet me fjalë, por besoj që askush nuk do të donte që mundi, puna, sakrifica e tyre të shkoj dēm. Piktura është mënyra se si unë shprehem, me këtë akt unë u ndjeva si të mē kishin vjedhur mbi të gjitha zërin tim.
Ju ka ndodhur me herët humbja apo vjedhja e pikturave?
Përgjigjja e shkurtër është jo, kam marrë pjesë në disa ekspozita jashtë Shqiperisë, por nuk më ka ndodhur diçka e tillë, kjo shpresoj të jetë hera e parë dhe e vetmja.
Keni komunikuar me organizatorët, personin apo personat që i morën pikturat teksa ju i sollët me autobuz në Tiranë?
Sigurisht që po! Pikturat u ekspozuan ashtu siç ishim marrë vesh, por e gjitha kjo ndodhi pas mbarimit të ekspozitës, gjë që ishte dëshpërim i madh.
WebLajm ka publikuar dhe faksimile të dosjes hetimore, për të cilin pikturat ende s’janë gjetur. Ndërsa disa pamje filmike janë verifikuar, dhe në to janë kostatuar pikturat pranë një galerie private pak ditë pas përfundimit të ekspozitës.
Piktorja nga Kosova denoncon vjedhjen e pikturave të saj në
Discussion about this post