Kryeministri Edi Rama më në fund ka reaguar në lidhje me rrëmbimin e tre policëve të Kosovës nga ana e ushtrisë serbe.
Rama vazhdon të thotë se ndërkombëtarët do të jenë ata që do të vënë drejtësi për Kosovën. Sipas tij, Shqipëria po pret përgjigjen e KFOR, që po investigon këtë rast.
“Kush thotë se po heshtim apo kush kërkon t’i hedhim benzinë zjarrit duke ngritur akuza ndërkohë që KFOR-i po investigon rastin, nuk do t’ia dijë as për Kosovën e as për Shqipërinë, po vetëm për luftën e stërhumbur politike me mua apo për politikën e luftës imagjinare me Serbinë
Prandaj më duhet edhe njëherë t’u kujtoj se Shqipëria është pjesë e bashkësisë euroatlantike dhe ka fiks të njëjtën linjë të kësaj bashkësie, e cila bombardoi Serbinë dhe krijoi shtetin e Kosovës! Ne presim fjalën e KFOR-it që po heton rastin dhe i qëndrojmë de-eskalimit imediat”, shkruan Rama.
Discussion about this post