Ish-ministri i Brendshëm dhe këshilltari i kryeministrit Edi Rama, Sandër Lleshaj, ka kritikuar ditën e sotme kreun e qeverisë për draftin e propozuar për Asociacionin në komunat me shumicë serbe.
Lleshaj tha se roli i Ramës si i zgjedhur apo zëdhënës i ndërkombëtarëve ishte i panevojshëm në konfliktin Kosovë-Serbi. Ai deklaroi në një intervistë me Endri Xhafon se në këtë situatë nuk e kemi luksin të jemi ndërkombëtari.
Pyetje: Ju duk ju që Edi Rama foli si i zgjedhur apo zëdhënës i ndërkombëtarëve?
Lleshaj: Po, dhe më duket rol i panevojshëm për tu vendosur në këtë pozicion.
Pyetje: Është i zgjedhur apo i vetë ofruar?
Lleshaj: Këtë nuk mund ta them, por vendosja në rolin e artikulimit të zërit ndërkombëtar më duket i papërshtatshëm. Nuk e kemi luksin në këtë situatë të jemi ndërkombëtari. Ne jemi kombëtari.
Së pari, them që çdo tentativë për të moderuar pozicionin e Kurtit, por nuk është vetëm Kurti, nga ana tjetër është edhe Vuçiç një pozicion më agresiv, por që nuk po merret njeri. Moderimi i qëndrimit të Kurtit nuk mund të bëhet në rrugë publike, por në rrugë kofidenciale. Goditja publike e motivon dhe futemi në një rreth vicioz. Pra duhet të kemi deeskalim në komunikim, pra hapa mbrapa në komunikim që të mbërrijmë në një nivel tjetër. Sa i përket ndërkombëtarëve do të uroja që ndërkombëtarët, duhet të shprehen vetë. Të mundohet ta kuptojnë situatën dhe të jenë realisht neutralë.
Discussion about this post