Një skemë mashtrimi është goditur sot nga administrate doganore. Bëhet fjalë për një rast me mallra të importuara si “ndihmë humanitare”.
Sipas njoftimit nga administrata, bëhet me dije se nga skema e ngritur përfaqësuesi ligjor i subjektit me H.D , ka importuar dhe futur në territorin doganor shqiptar sasinë prej 864 559 kg me artikuj të ndryshëm industrial, të cilat kapin vlerën prej 356 370 EUR.
Të njejtat burime gjithashtu bëjnë me dije se në total shuma e detyrimeve doganore dhe penaliteteve të shmangura janë 241, 547.874 lekë.
Pritet që përfaqësuesi i subjektit dhe personat e tjerë që dyshohet se janë përfshirë do ët përballen me akuzën për kryerjen e veprave penale “Kontrabanda me mallra të tjera”, “Kontrabanda nga punonjës që lidhen me veprimtari doganore”, “Kontrabandë me mallra me regjim të ndërmjetëm”, “Falsifikimi i dokumenteve”, “Fshehje të ardhurave” dhe “Pastrimi i produkteve të veprës penale ose veprimtari kriminale” .
Discussion about this post