Nga lista me 40 trajnerave (e përgatitur nga De Laurentiis) duket se ka dalë emri përfundimtar: ai i Christophe Galtier, trajnerit që drejtoi PSG-në sezonin e kaluar, i cili tashmë e ka informuar se nuk dëshiron të “çajë dërrasat” në kryeqytetin francez, pavarësisht vetëm një viti i qëndrimit nën urdhërat e Al-Khelaïfit.
Parisienët kanë zgjedhur tashmë Nagelsmann. Napoli pret që Galtier të ndërpresë kontratën me Paris Saint-Germain dhe më pas të mbyllë negociatat me kampionët e Italisë.
Nga Franca e japin marrëveshjen si të mbyllur. L’Equipe ia kushton të gjithë kopertinën, duke shkruar se Galtier shkon të japë leksione futbolli rrëzë vullkanit, pasi supozon se trajneri i ardhshëm i Napolit do të jetë me kombësi franceze.
De Laurentiis, falë përfitimeve të Dekretit të Rritjes, mund të kalojë pagën prej rreth 2.7 milionë euro që ka marrë Spalletti.
Në fakt, shkruan Gazzetta dello sport, Napoli do t’i ofrojë Galtier një kontratë dyvjeçare me vlerë rreth 4 milionë neto me opsion në vitin e tretë, e njëjta formulë e përdorur me Spallettin.
Francezi kishte qenë tashmë në vëmendjen e ADL edhe në vitin 2021, pas opinionit të mirë të ngjallur nga fitimi i Ligue 1 në krye të Lille.
Discussion about this post