Sulmuesi Kilian Mbappe ka dalë në konferencën për shtyp së bashku me trajnerin Didier Deshamp, në prag të ndeshjes Gjibraltar-Francë. Mbappe foli për të ardhmen e tij duke u shprehur se do të qëndrojë tek PSG.
“Unë tashmë i jam përgjigjur kësaj pyetjeje. Unë kam thënë se dua të vazhdoj te PSG-ja. Tani për tani është alternativa ime e vetme. Shpresoj se pyetjet e radhës do të jenë në lidhje me angazhimin e nesërm me Francën”.
Përmbajtja e letrës: “Sinqerisht nuk mendoj se kam ofenduar askënd. Sapo dërgova një letër. Nuk e dija që një komunikatë mund të vriste dikë. Është vetëm kjo, një letër. Nuk më prekin reagimet apo zhurmat e jashtme.
Presionet e Macron: “Nëse Macron mund të vendosë për karrierën time? Në asnjë mënyrë. Ai ka thënë se dëshiron që unë të qëndroj tek PSG. Dhe gjithashtu dua të qëndroj. Të dy ndajmë të njëjtën gjë. Nuk ka problem”.
E ardhmja e tij nuk është një shpërqendrim: “Unë kam një përgjegjësi si kapiten i ekipit francez. Unë nuk kam frikë nga ajo që njerëzit mund të thonë dhe nuk do të ndaloj së përmbushuri detyrat e mia”.
Discussion about this post