Një fans me fat ka nxjerrë në ankand syzet e diellit të këngëtares me famë botërore, Beyonce, pasi i kapi ato në turmë gjatë koncertit të artistes në stadiumin Tottenham Hotspur.
Mediat e huaja shkruajnë se syzet janë bërë me porosi nga marka e njohur e modës “Off White”. Këngëtarja e “Crazy in Love” i hodhi syzet e diellit në turmë ndërsa performonte këngën e saj, “Diva”.
Shitësi, i quajtur Valentino ka vendosur një çmim deri në 17.507 eurosh në ankand, pavarësisht se syzet e diellit “Off White” zakonisht shiten me pakicë rreth 233 euro.
Ndërkohë kujtojmë se turneu botëror “Renaissance” filloi muajin e kaluar me një koncert të 17 majit në Stokholm, Suedi dhe që atëherë është ndalur në vendet kryesore evropiane, duke përfshirë Parisin dhe Londrën./SHQIP
Discussion about this post