Në spitalin e Malakasës aktualisht po transferohen 68 persona, mes tyre edhe disa të mitur, për të kryer procedurat e identifikimit dhe më pas do të transferohen në ambientet e të miturve.
Në të njëjtën kohë, të afërmit vijuan të vinin në portin e Kalamatës për të kërkuar të afërmit e tyre.
Mes tyre Fardi, i cili qëndroi në kangjellat që ishin vendosur dhe u përpoq të përqafonte vëllain e tij Mohamed, i cili u shpëtua nga mbytja.
Me lot në sy dy vëllezërit mbajtën fytyrat e njëri-tjetrit dhe u përqafuan.
Fardi, një refugjat sirian, erdhi nga Holanda për të kërkuar dhe gjetur përfundimisht vëllain e tij 18-vjeçar Mohamed, i cili ishte në bordin e varkës që po fundosej.
Muhamedi ishte nisur nga Libia dhe destinacioni i tij përfundimtar ishte Italia. Ai kurrë nuk arriti atje, por u shpëtua nga tragjedia.
Gjendja shëndetësore e të shpëtuarve të anijes në ujërat ndërkombëtare në Pylos, të cilët u shtruan në spital me infeksione të frymëmarrjes dhe çrregullime metabolike si hipoglikemia dhe dehidratimi nga orët e gjata në det, po përmirësohet.
Siç raporton ERT, një person është më rëndë dhe është pranuar dje në spital me insuficiencë akute të veshkave.
Discussion about this post