Tensionet në Veri, protestuesit serbë sulmojnë gazetarët në Leposaviç

Në Komunën e Leposaviçit është tensionuar situata, kur protestuesit serbë kanë kaluar rrethimin dhe kanë tentuar të futen në objektin e Komunës.

Edhe pse nga Policia e Kosovës kanë thënë se situata është qetësuar, gazetarët e mediave të ndryshme kosovare janë sulmuar fizikisht.

Persona të maskuar në Leposaviç kanë sulmuar fizikisht dhe kanë goditur në mënyrë brutale kameramanin e televizionit publik të Kosovës, Bardh Bekteshin.

Radio Televizioni i Kosovës ka publikuar videon nga momenti i sulmit.