Alvaro Morata ka dhënë në parim pëlqimin e tij për t’u transferuar te Roma, raportojnë mediat italiane. Dy-herë Kampioni i Europës, me Realin e Madridit, aktualisht tek Atletico Madrid konsiderohet si zëvendësuesi ideal i të dëmtuarit Tammy Abraham.
Sipas informacioneve të “calciomercato.com”, Alvaro tashmë ka zhvilluar bisedime me Jose Mourinhon dhe ish-shokun e tij te Juventusi, argjentinasin Paulo Dybala dhe është entuziast për rikthimin në futbollin italian.
Por përpara se të bëjë ndonjë transferim në hyrje, Roma do të duhet të shesë një prej lojtarët e saj fillimisht, që të gjenerojë 30 milionë euro të ardhura, sipas kërkesave të fuqisë së futbollit evropian për “Fair Play” Financiar.
Discussion about this post