Ambasada e Shteteve të Bashkuara të Amerikës në Kosovë ka dënuar sulmet e sotshme brutale ndaj gazetarëve në komunën veriore, Leposaviç, nga turma të dhunshme serbe.
Në reagimin e shkurtër të ambasadës, ripërsëritet kërkesa që mediat të lejohen të punojnë të lira nga dhuna dhe frikësimi.
“I dënojmë sulmet e vazhdueshme ndaj gazetarëve në veri të Kosovës, përfshirë edhe ato sot. Përsërisim thirrjen tonë që mediave t’u garantohet ambient i sigurt për të punuar të lira nga dhuna dhe frikësimi”, thuhet në këtë reagim.
Disa gazetarë janë lënduar sot pas sulmeve në veri. Njëri nga gazetarët ka pësuar frakturë krahu, ndërsa një gazetare tjetër është qëlluar me gurë në kokë./BW
Discussion about this post