Komisioni i Pavarur i Kualifikimit shkarkoi sot nga detyra gjyqtarin e Lezhës Jak Ndokën. KPK doli në përfundimin se edhe në seancën e zhvilluar në 19 nëntor edhe në seancën e 22 nëntorit, Jaka n ujk arriti të justifikonte pasurinë si dhe problemet që iu gjeten në kriterin e profesionalizmit.
Sipas KPK, Jaka nuk justifikonte dot me prova bazë transaksionet e bëra në vlera të mëdha si dhe një apartament në Lezhë. Për këtë çështje, komisioni ngre dyshime se gjyqtari i Lezhës Jak Ndoka ka deformuar të vërtetën nëpërmjet disa transaksioneve në shitjen e një apartamenti të vjetër në Lezhë me qëllim justifikimin e burimeve financiare për blerjen e disa pasurive të tjera në këtë rreth. Këto dyshime u hodhën pasi, në deklaratën përpara vettingut Noka ka thënë se këtë apartament e ka blerё nga Enti i Banesave në vitin 2001 për shumën 557 mijë lekë, ndërsa në deklaratën fillestare të dorëzuar në vitin 2004 ka deklaruar se vlera e apartamentit ishte rreth 1.2 milionë lekë.
Sipas KPK, edhe më e pavërtetë bëhet deklarata e tij, po të marrim parasysh se në vitin 2007 Ndoka ka deklaruar shitjen e këtij apartamenti në shumën 5.3 milionë lekë. Në seancë u evidentua se ekzistojnë katër kontrata të ndryshme për shitjen e kësaj pasurie, të gjitha të nënshkruara në të njëjtën ditë. Jak Ndoka e ka nisur karrierën në sistemin shqiptar të drejtësisë në vitin 1995. Prej gati dy dekadash, ai ka punuar kryetar dhe gjyqtar i Gjykatës së Rrethit Gjyqësor Lezhë.
Discussion about this post