Detaje nga aksidenti tragjik ku ndërroi jetë 8-vjeçarja

Detaje të reja mësohen për aksidentin në aksin Elbasan-Peqin, ku si pasojë ka humbur jetën një fëmijë rreth 8 vjeç nga Maqedonia e Veriut.

Në njërën prej makinave po udhëtonte një familje nga Maqedonia e Veriut.

Si pasojë e aksidentit janë plagosur edhe tre persona të tjerë, të cilët janë dërguar me urgjencë në Spitalin e Elbasanit.

Mjeti me targa të Maqedonisë së Veriut ka përfunduar mbi barrierat mbrojtëse, ndërsa në njërën anë është shtypur totalisht.

Ende nuk dihen shkaqet, por mendohet të ketë ndikuar lagështia në rrugë.