Një ndër debatet më të përfolura nga mediet rozë, por edhe nga publiku, është komenti që Donaldi bëri në “Big Brother VIP” ku u shpreh se ai nuk është “njeriu i Borës”.
Ai madje ka treguar se aty ai është vetëm, kjo pasi ka gjashtë muaj që nuk ka qenë me Borën dhe është ende i paqartë se çfarë po ndodh mes tyre.
Këto fjalë kanë nxitur një reagim të ashpër nga ana e Semit, e cila është shoqe shumë e ngushtë me Borën. Ajo i është drejtuar atij duke i thënë se nëse bëri këtë deklaratë dhe ndihej në këtë formë atëherë nuk duhet ta kishte puthur atë natë.
Në emisionin e djeshëm është biseduar sërish ky debat ku Semi ka kërkuar falje nëse ka ndikuar tek marrëdhënia e tyre, duke theksuar se do që të jenë bashkë.
Nga e gjithë kjo “paçavure”, ka reaguar edhe vetë Bora Zemani, e cila me një video që ka postuar në Instastory është shprehur se ende nuk e di se çfarë do të ndodhë jashtë.
Ndërsa për Semin ka thënë shumë gjëra të mira duke u shprehur se e njësh shumë mirë karakterin e saj dhe e di që ndonjëherë mund të flas më tepër seç duhet dhe protektive, por nuk ka asnjëherë qëllime negative.
“Unë e dua shumë, ju e keni kuptuar mirë sesa e dua Semin dhe e njoh shumë shumë mirë, ndryshe nuk do ishte pjesë e jetës sime për kaq shumë vite dhe mendoj se gjërat kryesore, që e kanë ruajtur shoqërinë tonë kanë qenë: besimi, ai lloj besimi që vërtetë e vëmë dorën në zjarr për njëra-tjetrën, protektiviteti, diçka që të tjerë e konsiderojnë si të keqe, por unë mendoj se ka qenë nga arsyet që e kanë ruajtur shoqërinë tonë se kemi qenë mbrojtëse ndaj njëra-tjetrës dhe tjetra që e kemi pranuar njëra-tjetrën ashtu siç jemi, pa u munduar fare ta ndryshojmë njëra-tjetrën. Unë e kam pranuar Semin ashtu siç është, ndonjëherë flet më shumë seç duhet, bën gallata më shumë seç duhet, të përqafon më shumë seç duhet ose të mbron më shumë seç duhet. Po nuk shoh asgjë të keqe në këtë mes, sidomos kur gjërat nuk bëhen me qëllim negativ, përkundrazi. E sot jam shumë e lumtur dhe shumë krenare, që më është mbushur Instagrami me vajza që më shkruajnë sa do doja dhe unë të kisha një shoqe si Semi, por jo Semin e dua për vete…
Sa i përket situatës tjetër ju e dini qëndrimin tim (tregon varësen dhuratë nga Donaldi), pavarësisht provokimeve që mund të bëhen se ndoshta po mbaj ndonjë qëndrim tjetër, ku i dihet, ku e dimë ne se ç’ndodh jashtë.” – u shpreh Bora në video.
Discussion about this post