Ministria e Shëndetësisë ka vendosur që, vendimi për të ndaluar grumbullimet në vende të mbyllura apo të hapura do të qëndrojë në fuqi deri në datë 29 nëntor. Ministrja Ogerta Manastirliu, ka firmosur sot urdhrin, i cili ka si qëllim parandalimin e përhapjes së virusit dhe ka hyrë menjëherë në fuqi.
“Në urdhrin nr.633 datë 1.11.2020 “Për ndalimin e grumbullimeve në vende të mbyllura apo të hapura” të ndryshuar bëhet ndryshimi si vijon: 1. Në pikën 1 të urdhrit, togfjalëshi deri në datën 15.11.2021 zëvendësohet me togfjalëshin “deri në datën 29.11.2021”. Ky urdhër hyn në fuqi menjëherë dhe botohet në fletoren zyrtare”, shkruhet në vendimin e Ministrisë. Sakaq, kujtojmë se pak ditë më parë anëtari i Komitetit Teknik të Ekspertëve tha se nuk përjashtohet mundësia që në prag të festave të forcohen masat anti-covid, pasi rreziku për përhapjen e koronavirusit është shumë më i lartë.
Discussion about this post