Abonimi për të siguruar vendin në stadium, mbi 120 mijë tifozët e United dhe City në pritje

Fillimi i sezonit 2023-24 të FA Premier League është ende relativisht larg por tifozët nuk duan të humbin kohë dhe për këtë po nxitojnë të bëjnë abonimet për të siguruar një vend në stadiumet e skuadrave të tyre të zemrës për të parë nga afër idhujt e tyre

Interes i jashtëzakonshëm në radhët e tifozëve të dy skuadrave të mëdha të Manchesterit. 120 mijë tifozë të United dhe Cityt kanë hyrë në listën e pritjes për një biletë sezoni, raporton ‘Daily Mail’.

Nga njëra anë, “Qytetarët” po lundrojnë në një det lumturie pas fitimit të tripletës, ndërsa miqtë e “Djajve të Kuq” kanë një jetë të re me ardhjen e Ten Hag dhe diskutimeve për largimin e mundshëm të familja Glazer.

“Më afër” me dy skuadrat e Manchesterit është Tottenhami, i cili ka 98 mijë tifozë në listën e pritjes, siç thekson burimi, ndërsa listën specifike për biletat deri tani e mbyllin Liverpool dhe Luton.