Sekretarja Organizative Eriona Bixha ka dalë në një konferencë për shtyp nga selia e LSI-së, ku ka folur për buxhetin e vitit 2022, që pritet të diskutohet nen për nen ditën e nesërme në Parlament.
Eriona Bixha deklaroi se LSI ka dorëzuar në Kuvend amendamente që përfshijnë, disa pika kryesore me në foksur rritjen e buxhetit për arsimin, fermerët dhe rimburimin e barnave për kurimin e Covid-19. “Kërkojmë rritjen e buxhetit për arsimin me 5 miliardë lekë; rritjen e mbështetjes financiare për rimbursimin e barnave të qytetarëve të infektuar me Covid-19; të shtohet shuma prej 4.9 miliard lekë për fermerët”, është shprehur ajo.
Në përfundim ajo i ka bërë thirrje mazhorancës të reflektojë mbi miratimin e këtyre amendamenteve për të mirën e përbashkët të shoqërisë sonë.
Discussion about this post