Ditën e sotme në Lepasoviç është zhvilluar një protestë në mbështetje të serbëve të arrestuar.
Serbët janë arrestuar për sulmet ndaj gazetarëve shqiptarë.
Protestuesit kanë kërkuar lirimin e të gjithë serbëve të arrestuar, Dalibor Spasic, Nemanja Vlaškoviç, Uroš Vukašinović, si dhe Dushan Obrenoviç, Radoš Petrović dhe Milun Lune Milenkoviç.
Ata kanë marshuar këmbë nga përmendorja e “Car Llazarit” në veri të Mitrovicës, deri në Zveçan, ndërsa kanë bartur flamuj serb, pankarta me mbishkrimet “Stop terrorit nga Kurti”, si dhe fotografi të Milenkoviçit ku shkruan “Nuk është fajtor”.
Në këtë protestë vërehet edhe pjesëmarrja e personelit mjekësor nga spitali i veriut të Mitrovicës.
Protesta po zhvillohet e qetë deri tani dhe nuk ka ndonjë incident.
Forca të shtuara të Policisë së Kosovës janë stacionuar nëpër disa lokacione përgjatë rrugës Mitrovicë-Zveçan dhe po e vëzhgojnë situatën nga afër
Discussion about this post