Presidenti Ilir Meta, në një intervistë për mediat, është shprehur se taksa e Rrugës së Kombit duhet te hiqet.
Sipas Metës, marrëdhëniet e Shqipërisë me Kosovën, janë jo vetëm marrëdhënie strategjike, por vëllazërore dhe jetike për qytetarët e të dy vendeve dhe detyra e politikës është që të mos krijojë pengesa.
“Taksa e Rrugës së Kombit duhet te hiqet. Marrëdhëniet e Shqipërisë me Kosovën, janë jo vetëm marrëdhënie strategjike, por vëllazërore dhe jetike për qytetarët e të dy vendeve tona.
Detyra jonë është mos krijojmë pengesa dhe t’i çlirojmë nga interesat klienteliste dhe procedurave, duke hapur rrugë për zhvillimin e ndërsjellë të marrëdhënieve” – është shprehur Meta.
Kujtojmë se Presidenti , Ilir Meta, ishte sot në Kosovë, për të mbajtur një ligjëratë për studentët e Kolegjit AAB, me temën “Shqiptarët si faktor stabiliteti në Ballkan”, duke u bërë thirrje të rinjve, që të mos e braktisin vendin.
Discussion about this post