Këshilli Kombëtar i PD së vulës, 17 deputetë bojkotojnë mbledhjen dhe grupet e punës/ Emrat

Mesditën e 20 qershorit, grupimi mbështetës i Lulzim Bashës dhe Enkelejd Alibeajt në PD-në e vulës, do të mbledhin Këshillin Kombëtar, për të legjitimuar zhvillimin e zgjedhjes së kryetarit në 29 korrik.

Në mbledhje pritet të mungojnë 17 deputetë, përfshi këtu edhe Gazment Bardhin, Sekretarin e Përgjithshëm, i cili e konsideron procesin si anti-statutor.

Referuar listës së deputetëve që duket se nuk do të mbështesin linjën e Basha-Alibeajt, ata janë përfshirë edhe në grupet e punës të ngritura nga Kryesia në degë të ndryshme, për të organizuar procesin zgjedhor.

Kështu Saimir Korreshi ishte caktuar në Qarkun Fier dhe me shumë gjasa nuk do jetë pjesëmarrës, ashtu sikundër Bledion Nallbati që ishte deleguar në qarkun Korçë. Vetë Gazment Bardhi ishte deleguar në Elbasan, bashkë me Lefter Gështenjën, ndërsa Helidon Bushati dhe Dhurata Çupi janë deleguar përkatësisht në Shkodër dhe Dibër. Mësohet se edhe ata nuk do i bashkohen grupeve të punës

Në këtë mënyrë duket se mbështetësve të Lulzim Bashës dhe Enkelejd Alibeajt në kryesi i duhet të plotësojnë edhe grupet e punës që ngritën sipas qarqeve, ndërkohë që kjo situatë shënon çarjen më të madhe në rradhet e PD së vulës.

Kanë deklaruar se nuk do marrin pjesë në mbledhjen e Këshillit Kombëtar të Alibashës deputetët e mëposhtëm:

1. Gazment Bardhi
2. Jorida Tabaku;
3. Dhurata Çupi;
4. Saimir Korreshi;
5. Lefter Geshtenja;
6. Zheni Gjergji;
7. Qani Xhafa;
8. Helidon Bushati;
9. Orjela Nebiaj;
10. Ramadan Likaj;
11. Xhelal Mziut;
12. Flamur Hoxha;
13. Bledion Nallbati;
14. Agron Gjekmarkaj;
15. Ferdinand Xhaferaj;
16. Andia Ulliri;
17. Ilda Dhori.