Eksperti i ekonomisë Violdi Danaj teksa komentoi varfërinë në vend, tha se vendi jonë ndodhte në krizë prej vitesh. Sipas tij pjesa më e madhe e shqiptarëve janë të varfër për shkak se 80% e ekonomisë është papërqendruar te pakica që favorizohet nga shtetit.
“Varfëria dhe problemet ekonomike janë strukturore, janë të mbartura ndër vite. Shqiptarët nuk është se u gjendën të papërgatitur kundrejt kësaj krize. Shqiptarët kanë vite që jetojnë në agoni ekonomike, kanë vite që përballen me një krize ekonomike. Këtu nuk e kam fjalën për maksimumi 5% të shoqërisë që zotëron diku te 80% të ekonomisë kombëtare”, tha ai.
Ai theksoi më tej se asnjëherë ekonomia jonë e brendshme nuk ka qenë në fokus 100% për të pasur këtë rritje dhe këtë zhvillim. “Qeveritë tona nuk kanë qenë asnjëherë në gjendje të njohin kapacitetet ekonomike të vendit, të njohin vërtetë mundësitë dhe ekonominë tonë të brendshme. Ka dy arsye, së pari mungesa e aftësisë institucioneve tona, pasi ka pasur njerëz pa eksperiencën e duhur. Nga ana tjetër ka pasur mungesë serioziteti. Çdo lëvizje është bërë për të pasur kredo politike afatshkurtra”, u shpreh Danaj, duke theksuar se vendin nuk del nga kriza nëse qeveria nuk përkrah biznesin e vogël dhe punësimin.
Discussion about this post