Këngëtarja Besa Kokëdhima, bëri sot një postim në rrjetet sociale ku kritikonte shtetin shqiptarë që nuk e kanë bërë një “Ditë zie” për 46 viktimat shqiptare në një aksident trafiku në një autobus në Bullgari.
Maqedonia e Veriut, Kosova dhe Bullgaria ishin sot tri shtetet të cilat kanë shpallur ditë zie në shenjë “ngushëllimi” për viktimat shqiptare në një aksident që ndodhi dje në Bullgari.
Por, këtë nuk e ka bërë Shqipëria dhe artistja ka reaguar duke e quajtur turp vendimin që mos të këtë “Ditë zie” në Shqipëri.
“46 bashkëkombas humbën jetën. Bullgaria, Maqedonia e Veriut & Kosova kanë shpallur ditë zie. Po shteti amë? Turp” – u shpreh Kokëdhima.
Të njëjtin postim të Besës në profilin e saj e ka shpërndarë edhe këngëtarja, Tuna.
Kujtojmë se mëngjesin e djeshëm autoritetet bullgare raportuan se të paktën 45 veta vdiqën kur një autobus u përfshi nga flakët të martën në Bullgarinë perëndimore.
Autobusi, me targa të Maqedonisë së Veriut, me udhëtarë që po ktheheshin nga Turqia, u dogj rreth orës 02:00 dhe në mesin e viktimave kishte edhe fëmijë.
Motivet e këtij aksidenti janë ende të paqarta, por që autoritetet theksuan se tani kanë nisur një hetim.
Discussion about this post