Një repart ushtarak në Gramsh do privatizohet nga shoqërisë “Rozafa” të biznesmenit Gjergj Luca. Bëhet fjalë për repartin ushtarak në Çekrez të Gramshit, të cilën Luca e kishte me qera me tarifën 1 euro/kontrata. Ndërsa vendimi i sotëm miraton procedurat e privatizimit të këtij reparti nga kompania Rozafa.
Vendimi është marrë në mbledhjen e sotme të Këshillit të Ministrave.
Reparti në fjalë ka një sipërfaqe prej 28960 m2 dhe ai ishte marrë me qera kundrejt tarifës 1 euro. Tashmë të njëjtën sipërfaqe kompania Rozafa do e privatizojë bazuar në vendimin e miratuar.
Qeveria vendosi dhënien e miratimit për fillimin e procedurave të privatizimit për pronën nr.338, me emërtim “Ish-reparti ushtarak nr.5012/20”, me vendndodhje në Çekrez, Gramsh, në administrim të Ministrisë së Mbrojtjes, dhënë me qira me tarifën 1 euro/kontrata shoqërisë “Rozafa”, sh.p.k., në bazë të kontratës nr.1823 Rep., nr.867 Kol., datë 13.9.2019, në zbatim të vendimit nr.526, datë 25.7.2019, të Këshillit të Ministrave, “Për dhënien e miratimit për lidhjen e kontratës së qirasë me tarifën 1 euro/kontrata, ndërmjet Ministrisë së Financave dhe Ekonomisë, si qiradhënës, dhe shoqërisë “Rozafa”, sh.p.k., si qiramarrës, për pronën nr.338, me emërtim “Ish-reparti ushtarak nr.5012/20”, me vendndodhje në Çekrez, Gramsh, në administrim të Ministrisë së Mbrojtjes”.
Vendimi nr.526, datë 25.7.2019, i Këshillit të Ministrave, “Për dhënien e miratimit për lidhjen e kontratës së qirasë me tarifën 1 euro/kontrata, ndërmjet Ministrisë së Financave dhe Ekonomisë, si qiradhënës, dhe shoqërisë “Rozafa”, sh.p.k., si qiramarrës, për pronën nr.338, me emërtim “Ish-reparti ushtarak nr.5012/20”, me vendndodhje në Çekrez, Gramsh, në administrim të Ministrisë së Mbrojtjes”, me nënshkrimin e kontratës së shitjes së pronës shtetërore, sipas pikës 1, të këtij vendimi, shfuqizohet.
Ngarkohen Ministria e Financave dhe Ekonomisë dhe Ministria e Mbrojtjes për zbatimin e këtij vendimi.
Discussion about this post