Në Partinë Demokratike të vulës vijojnë përplasjet mes deputetëve, tashmë të ndarë në dy grupimi, pro dhe kundër mbajtjes së zhvillimit të zgjedhjeve në 29 korrik.
Kreshnik Çollaku, i rreshtuar në krah të Lulzim Bashës dhe grupimit që mbështet mbajtjen e zgjedhjes së kryetarit në PD-në e vulës më 29 korrik, u shpreh në studion e Neës24, se Gazment Bardhi është njeriu me më shumë pushtet në PD.
“Bardhi është Nënkryetari i Partisë, Sekretari i Përgjithshëm, Kryetar i Grupit Parlamentar, nuk mund të sillemi si Kaligula pasi i marrim të gjitha fusim edhe kalin e bëjmë senator. Reagimet e Bardhit janë një gjendje e tepruar emocionale. Unë besoj se Gazi do të reflektojë. Ne duhet të kemi kryetar”, është shprehur Çollaku.
Pasi pati deklaruar publikisht para disa ditësh se organet e partise nuk bëjnë dot kuorum, Çollaku ka anashkaluar mungesën e kuorumit në mbledhjen e fundit të Këshillit Kombëtar.
Discussion about this post