Pas triumfit në finalen e UEFA Champions League 2023, futbollistët e Manchester City nisën festën dhe për tre ditë kaluan në Tucia, në Ibiza dhe në Mançester.
Mesfushori anglez Jack Grealish festoi si askush tjetër, duke u kapur në poza të shumta duke pirë pije alkoolike, përfshirë në skenë, në paradën e kampionëve në Mançester.
I kritikuar nga disa persona për sjelljen e tij, Jack Grealish ka dhënë një reagim në mediat britanike, duke thënë se preferon më mirë të jetë i sinqertë dhe i vërtetë, sesa të fshihet si të tjerët.
“Nuk pendohem për asgjë, kështu kënaqem, e di çfarë kam bërë, e di kush jam dhe si sillem, kështu kënaqem në përgjithësi.
Nuk jam mësuar domosdoshmërisht me këtë, por fitova ‘tripletën’, nuk e di se kur do të ndodhë sërish diçka e tillë. Kështu që isha i lumtur dhe nuk isha i vetmi.
Unë nuk do të ulem të të gënjej e të të them që nuk piva dhe dëfreva, sepse kam pirë. Jam i sinqertë, po jetoj ëndrrën time më të madhe, luaj për klubin më të mirë në botë”,- ka thënë Jack Grealish, sipas “Daily Mail”.
Discussion about this post