Gjykata e Apelit të Posaçëm kundër Krimit të Organizuar dhe Korrupsionit ka vendosur në Dhomë Këshillimi, mospranimin e ankimit të familjarëve të viktimave të 21 Janarit.
Familjarët kishin ankimuar vendimin e SPAK, i cili ia kaloi kallëzimin e tyre për kompetencë Prokurorisë së Tiranës.
Me këtë vendim çështja e 21 janarit nuk do të merret nën hetim nga Prokuroria e Posaçme, duke i kaluar përfundimisht Prokurorisë së Tiranës.
Edhe më herët familjarët e viktimave të 21 janarit kanë shprehur mosbesimin e tyre se çështja mund të zbardhet në një Gjykatë të zakonshme.
Kujtojmë se 21 janar 2011, gjatë një proteste të Partisë Socialiste, në bulevardin “Dëshmorët e Kombit”, para Kryeministrisë u vranë katër protestues.
Gjatë protestës së 21 janarit 2011, mbetën të vrarë Aleks Nika, Ziver Veizi, Hekuran Deda dhe Faik Myrtaj.
Discussion about this post