Prokuroria e Tiranës ka kërkuar burg përjetë për Mexhit Picarin, ndërsa për të bijën Dhurata Picarin ka kërkuar 35 vite. Ata akuzohen për vrasjen e ish-dhëndrit Kudret Saliajt.
Ngjarja e rëndë ndodhi në vitin 2021, ndërsa si pasojë e përplasjeve u plagos edhe avokati Adriatik Cama.
Ngjarja e rëndë ndodhi në një lokal pranë Gjykatës së Tiranës, aty ku viktima dhe i plagosuri po pinin kafe.
Ish-dhëndri dhe vajza e Picarit, prindër të 3 fëmijëve ishin në proces divorci që prej dhjetorit të vitit 2020. Këtë të premte në orën 12:00 zhvillohej seanca e radhës.
Menjëherë pas ngjarjes së rëndë Mexhit Picari u largua nga vendi i ngjarjes, për t’u arrestuar nga policia e Tiranës pak kohë më vonë.
“Si rezultat i kontrolleve të shpejta u bë e mundur kapja e autorit dhe shoqërimi i tij në Drejtorinë e Policisë së Tiranës. Për hollësi të tjera do t’ju njoftojmë më pas. Autori ka pasur një proces të gjatë divorci me bashkëshorten e saj. Bashkëshortja e tij ka qenë e arrestuar për probleme të dhunës në familje, kështu që po bëheshin seancat për divorc, në këto kushte babai i vajzës ka vrarë ish-dhëndrin e vet. Gjatë kësaj ngjarjeje është plagosur edhe avokati i cili ishte në tavolinë bashkë me viktimën”, tha policia në atë kohë.
Discussion about this post