Ku ndodhet Putin? Ja ç’thotë zëdhësi i Presidentit rus

Ku ndodhet Valdimir Putin tani?

Këtë pyetje ngre BBC, pas raportimeve të ndryshme që po vijnë nga Moska.

Zëdhënësi i presidentit rus, Dmitry Peskov i ka thënë agjencisë së lajmeve TASS se presidenti ‘është duke punuar në Kremlin’, Moskë.

Por ndërsa udhëtimi i ushtrisë private të Wagner po vazhdon drejt Moskës, lajmet në rrjetet sociale kanë ngritur një mjegull të madhe.

Disa përdorues kanë njoftuar se avioni special i Putinit, ‘Il-96-300PU’ ka lënë Moskën në orën 14:16 (11:16 GTM) dhe ka fluturuar në veri perëndim sipas shërbimit FlightRadar. Më pas avioni është zhdukur nga radarët në afërsi të qytetit Tver në veri-perëndim të Moskës.

BBC shkruan se nuk ka asnjë mënyrë se si mund të provohet që Putin ndodhet në këtë avion apo jo.

Deri më tani dihet se Putini shpenzon shumë kohë në rezidencën e tij të madhe në liqenin Valdai, që ndodhet në veri-perëndim të Moskës, e siç duket ai  nuk jeton gjatë gjithë kohës në kryeqytet.