Situata ka arritur deri aty sa Bebe Rexha po i lutet publikut të ndalojë diskutimin e shtimit të peshës prej 13 kilogramësh, për të cilin ajo zbuloi se ishte shkaktuar nga sindroma e vezores policistike (PCOS) muajin e kaluar.
Ndërsa shërohet nga lëndimi në fytyrë që pësoi nga goditja me një celular gjatë performancës në New York të dielën, ylli 33-vjeçar i muzikë pop, u tha 2.1 milionë ndjekësve të saj në Twitter se ishte e lodhur duke dëgjuar kritika për pamjen e saj.
“E di që jam shëndoshur. Unë jam shumë e mërzitur nga njerëzit që flasin për të”, shkroi ajo.
Në një postim tjetër, interpretuesja e hitit “I’m a Mess” shtoi: “Qeniet njerëzore kalojnë nëpër luhatje të peshës, është jeta dhe ju nuk e dini se çfarë po kalojnë njerëzit. Medikamente, sëmundje etj…”.
Postimet e saj nxitën komente të shumta mbështetëse nga fansat, të cilët i rikujtuan asaj se ajo është ‘mbretëresha e të dukurit bukur dhe seksi’.
(PCOS është një çekuilibër hormonal që prek një në 10 gra që janë në moshë riprodhimi. Mund të shkaktojë perioda të parregullta, infertilitet, qime të tepërta në trup, akne dhe shtim në peshë.)
Discussion about this post