Legjenda e Kombëtares së Argjentinës dhe klubeve të Barcelonës e Napolit, Diego Armando Maradona bën një vit sot që është ndarë nga jetë.
Megjithatë në ditët e fundit emri i tij ka qenë kryetemë, pasi në mediat ndërkombëtare u raportua se ‘Dora e zotit’ u varros pa zemër.
Po mediat e huaja bëjnë me dije se Maradonës i është hequr organi më 25 nëntor të 2020, në momentin kur iu bë autopsia. Madje shtohet se atij iu hoqën nga specialistët e autopsisë edhe mëlçia e veshkat për t’i studiuar më në detaje, procedurë kjo që shpesh aplikohet kur nuk janë të qarta arsyet e vdekjes.
Gjyqtarët e kësaj çështjeje vendosën se ku dhe për sa kohë do të mbaheshin këto organe, ndaj më 2 dhjetor 2020, pikërisht një javë pas vdekjes së Maradonës, zemra, mëlçia dhe veshkat, u transferuan në Departamentin e Anatomisë Patologjike të Mbikëqyrjes Shkencore të Policisë së provincës së Buenos Aires.
Në ekzaminimet e bëra u zbulua se zemra e Maradonës peshonte 503 gram, pothuajse dyfishi i asaj të një personi të shëndetshëm, gjë që më pas bëri të kuptohej se vdekja e legjendës ishte shkaktuar nga dëmtimi i këtij organi. Ndërsa janë gjetur edhe disa plagë për shkak të mikroinfarkteve të pësuar në të kaluarën.
Bazuar në protokollet, organet e tij do të ruhen për 10 vitet e ardhshme në formalinë dhe gjatë kësaj periudhë zemra e Maradonës do të mbahet, me një nivel të lartë sigurie, në Departamentin e Anatomisë Patologjike, që i përket Policisë së Buenos Aires, vetëm 300 metra nga stadiumet “Gimansia” dhe “Esgrima de La Plata”./K.T/Gijotina.com
Discussion about this post