Jep dorëheqjen rektori i Universitetit të Korçës Dhimitri Bello
Ende nuk dihet arsyeja e këtij veprimi, por dorëheqja e tij ka ardhur pas deklaratës së djeshme që ai bëri për universitetin e Korçës, i cili do të bashkohet me atë të Tiranës.
Për t’i shpëtuar shkrirjes, senati Akademik i Universitetit të Korçës votoi të premten e 23 qershorit kërkesën për t’u kthyer në një filial të Universitetit të Tiranës.
Lajmi bëri bujë pas publikimit në media duke shkaktuar dhe reagime pro dhe kundër. Kjo bëri që senati i Universitetit të mblidhej sërish sot. Mësohet se ka pasur debate dhe anëtarët e tij kanë thënë qe nuk kanë ditur saktësisht çfarë kanë votuar ditën e premte.
Më pas u vendos rrëzimi i vendimit për bashkimin me Universitetin e Tiranës dhe Universiteti do të vijojë të jetë më vete.
Discussion about this post