Një gjë është, të shkëlqesh aq shumë me një ekip sa të tërheqësh interesin e, në fund, të transferohesh te Reali i Madridit, një gjë komplet ndryshe është, të përballosh presionin e të luajturit në klubin më të mirë të historisë së futbollit botëror.
Përsa i përket të parës, sulmuesi serb Luka Joviç, ia arriti qëllimit, duke u blerë për 50 milion euro nga mbretërorët, pas paraqitjeve të shkëlqyera te Frankfurti. Në lidhje me përballimin e presionit në kryeqytetin spanjoll… më mirë të mos flasim.
Joviç nuk arriti kurrë që të përshtatej në Madrid, duke mos u bërë zëvendësuesi ideal i Benzemasë, me 14-herë kampionët e Europës, që e shitën pa shumë mendime, te italianët e Fiorentinës.
Edhe në Itali, Luka Joviç dështoi të shkëlqente, duke mos i përmbushur pritshmëritë me klubin violë.
Duket se klubi nga Firence është gati që ta shesë që këtë verë serbin, i cili e ka gjetur skuadrën e re.
Siç bëjnë me dije mediat italiane, ai ka arritur akordin me Gallatasarajin, ku do të zëvendësojë Mauro Ikardin.
Joviç do t’i kushtojë 8 milionë euro gjigandit turk, por vetëm gjysma do t’i shkojë Fiorentinës, pasi 50% të kartonit e kishte ende Reali.
Discussion about this post