Një shimpanze e quajtur Vanilla ka përjetuar gëzimimin më të madh, kur pa qiellin për herë të parë, pasi qëndronte e mbyllur në kafaz gjatë gjithë jetës së saj, në Florida.
Dailymail ka siguruar pamje nga momenti kur Vanilla pa qiellin e hapur me shumë gëzim dhe video po bën xhiron e rrjetit. Kjo ishte hera e parë që shimpanzeja 29-vjeçare ishte jashtë një kafazi. Vanilla u përshëndet me një shimpanze tjetër mashkull alfa Dwight, duke e mirëpritur në shtëpinë e saj të re, ku do të jetojë me 18 shimpanze të tjera.
Videoja tregon gjithashtu kur ajo vrapon me gëzim rreth ishullit dhe ulet me familjen e saj të re.
Mësohet se deri në moshën 2-vjeçare shimpanzeja jetoi në një laborator eksperimental në New York, më pas ajo qëndroi në një strehë në Kaliforni derisa u zhvendos në shenjtëroren e hapur të “Save the Chimps” në Fort Pierce, Florida.
Discussion about this post