Ngjarjet e fundit në shtëpi si duket kanë shtyrë këngëtaren, Filloreta Reci, ose ndryshe siç e njohin të gjithë me emrin e saj të artit Fifin, të marrë vendimin drastik, atë të largimit nga shtëpia e “Big Brother Vip”.
Fifi pak minuta më parë e ka lënë shtëpinë më të famshme në Shqipëri duke ndërprerë kështu lojën e saj përfundimisht.
Ka qenë vetë ajo e cila mes lotësh i’a ka komunikuar këtë vendim banorëve.
“Dua t’ju informoj se unë duhet të lë sot shtëpinë. Kjo eksperiencë nuk po më bën mirë dhe për këtë duhet të merrem pak me veten. Duhet të kujdesem për veten dhe nuk mund të vazhdoj më. Nuk po marr dot frymë këtu brenda”,- tha ajo.
Menjëherë pas këtij lajmi, banorët e përlotur nisën të përshëndeten me këngëtaren.
“Jam banore shumë e fortë, ta dini që po jua bëj lojën më të lehtë meqë po iki”,- shtoi ajo.
Discussion about this post