Gjatë vizitës në Kosovë, presidenti Ilir Meta është takuar ditën e sotme me liderin e LDK-së, Lumir Abdixhiku.
Në një postim në facebook, Meta shkruan se në takim shprehu domosdoshmërinë e vijimit të Procesit të Berlinit dhe në këtë kuadër, të forcimit të bashkëpunimit rajonal, si faktor kyç për garantimin e stabilitetit, sigurisë dhe paqes në rajon, qëndrim i njëjtë edhe i Abdixhikut.
“Vëllazëror takimi në Prishtinë me Kryetarin e Lidhjes Demokratike të Kosovës, Lumir Abdixhiku, në prag të festës kombëtare, Ditës së Flamurit. Vlerësova rolin e pazëvendësueshëm të LDK-së në proceset shtetformuese, në ndërtimin dhe forcimin e institucioneve të Kosovës, mbështetur mbi trashëgiminë e vyer të Presidentit historik, Ibrahim Rugova.
Kënaqësi të ndanim të njëjtin qëndrim mbi domosdoshmërinë e vijimit të Procesit të Berlinit dhe në këtë kuadër, të forcimit të bashkëpunimit rajonal, si faktor kyç për garantimin e stabilitetit, sigurisë dhe paqes në rajon”- shkruan presidenti Meta.
Discussion about this post