Në mbrëmjen e 11 qershorit 2023, Manchester City arriti që të shkruajë historinë, teksa në finalen e madhe të UEFA Champions League, mposhti Interin e Milanos, me rezultatin e ngushtë 1-0.
Pavarësisht gjithçkaje, italianët zhvilluan një ndeshje fantastike dhe një koment mbi këtë përballje e ka bërë dhe “El principe de Bernal”, Diego Milito, i cili tha se ish-skuadra e tij meritoi më shumë në finalen ndaj Manchester City.
“Mendoj se ndeshja ishte shumë e ngushtë. Inter ka pasur një ecuri të madhe në Champions League. Ata e meritonin të arrinin në finale dhe për mendimin tim, merituan edhe më shumë në finale.
Inter pati një ndeshje të shkëlqyer. Por, për fat të keq, kështu ndodh në futboll. Manchester City shënoi një gol dhe, për fat të keq, Inter nuk mundi ta sillte kupën në shtëpi. Por unë mendoj se rrugëtimi i tyre në turne ka qenë i jashtëzakonshëm”,- u shpreh ish-sulmuesi i Interit.
Discussion about this post