Këngëtarja e njohur Pink mbeti e tronditur teksa po performonte në koncertin e saj “British Summer Time”, në Londër.
Artistja ndali koncertin për një moment pasi një fanse hodhi në skenë një qese me hirin e nënës së saj të vdekur.
“A është vërtetë ky hiri i nënës tuaj?”, pyeti Pink teksa e mori në dorë qesen që mbante hirin.
E habitur nga situata që i ndodhi, ylli i këngës “Just Like a Pill” më pas u shpreh:“Nuk e di se si të ndihem për këtë gjestin tuaj”, ndërsa u ngrit në këmbë e mori hirin dhe e vendosi atë në anësoret e skenës.
Megjithatë kjo ngjarje u komentua shumë nga fansat, ku një ndër ta tha: “Dikush ia dha Pinkut hirin e nënës”.
Është interesante se hiri nuk ishin të vetmet gjëra të papërshtatshme që u ngjitën në skenë gjatë dy shfaqjeve të Pink në kryeqytetin britanik gjatë fundjavës.
Të shtunën, një fans hodhi një rrotë të madhe djathi në skenë, teksa ajo po performonte hitet e saj.
Discussion about this post