Deputeti i Partisë së Lirisë, Petrit Vasili, nga studio e Syri Tv, tha se emërimi i familjarëve të deputetes socialiste Ermonela Felaj në Prokurorinë e Tiranës është shenjë e qartë se drejtësia e re është e kapur dhe ajo do të jetë në shërbim të pushtetit të korruptuar dhe jo qytetarëve.
“Kur një drejtësi është e kapur të gjitha të tjerat janë normalitet dhe shumica e anëtarëve të organeve të drejtësisë u konsideruan të padenjë për të qenë në drejtësi. Po të mos ishte në postin e Presidentit Ilir Meta, sot do të kishim anëtare të Kushtetueses dikë që u betua te Lana.
Nëse kemi një drejtësi të kapur çdo vjedhje dhe skandal trajtohet si normalitet.
Drejtësia nuk arrin dot që të njohë pronarët e inceneratorëve ndërsa vit për vit derdhen miliona euro në xhepat e tyre dhe nuk dihet se ku përfundojnë paratë që shkojnë aty.
Kemi aferën e portit të Durrës që ndërtesat po shiten në ajër. Parlamenti Europian shprehet se duhet rishikuar kontrata.
Ministritë japin tendera me 10-15 fishin e kostosh reale dhe drejtësia u thotë vidhni se nuk ka problem. Kjo është drejtësia dhe reforma e partisë dhe nuk është për të mirën e popullit dhe qytetarëve”, tha Vasili.
Discussion about this post