Deputeti demokrat Tomor Alizoti tha në studion e Klan news se niveli i demokracisë në Shqipëri është si në Afrikë, ndërsa Edi Rama mban fjalime sikur vjen nga OKB.
Alizoti tha se Shqipëria duhet të lobojë për Kosovën në çdo kancelari, të sqarojë situatën që ndodh në Kosovë, ndërsa Edi Rama flet si “lider global”, sikundër me ironi e ka quajtur Vuçiç.
“Rama duhet të mbajë anën e Kosovës. Edhe ai drafti që paraqet për Asociacionin është një marrëzi e Edi Ramës, pasi ai po sillet sikur është student që aplikon për kërkime shkencore dhe jo si Kryeministër. Është inferioritet total ajo që bën Rama duke çuar propozime në Berlin apo Paris për Kosovën”, tha Alizoti.
Deputeti demokrat tha se minimalisht Edi Rama duhej të takonte Albin Kurtin, pastaj ministrin e Jashtëm të Kosovës, të diskutonte dhe të gjenin pikat e përbashkëta, dhe jo të sillet sikur po bën studime, kërkime shkencore, mbi atë se çfarë do të ndodhë në Rajon.
Discussion about this post