Arsenali finalizon me sukses blerjen e anglezit më të shtrenjtë në histori

Declan Rice bëhet transferimi më i shtrenjtë i një futbollisti anglez në histori, duke kaluar Jack Grealish.

Tërheqja e Manchester Cityt nga gara për Declan Rice, në thelb… i hapi rrugën Arsenalit. “Topçinjtë” siç raportojnë mediat angleze në orët e fundit, bëjnë për vete yllin e kombëtares dhe West Ham. Shpenzimi i një shume rekord për një futbollist anglez.

Për 24-vjeçarin marrëveshja duket se është “mbyllur”. Arsenali do të shpenzojë një sasi të madhe për të marrë futbollistin e shquar.

Në fakt, klubi do të japë 115 milionë euro plus 5 të tjera në formë bonusi. Shuma totale prej 120 milionësh është transferimi më i shtrenjtë anglez në histori, duke tejkaluar 117 milionët që Manchester City shpenzoi për Jack Grealish.

Në të njëjtën kohë, ai bëhet transferimi më i shtrenjtë në historinë e Arsenalit. Mirëpo, “topçinjtë” janë veçanërisht… të nxehtë, pasi synojnë disa lëvizje më të rëndësishme përveç Rice. Ata tashmë kanë njoftuar Havertz nga Chelsea dhe duan Timber nga Ajax.