Eksperti i Ekonomisë, Sherefedin Shehu ka reaguar në lidhje me takimin që kryeministri Edi Rama zhvilloi sot me fermerët që po protestonin përpara Kuvendit. Në një postim në rrjetet sociale, Shehu shkruan se Rama i gënjeu dhe u tall hapur me ta, pasi në buxhetin e vitit 2022 parashikohen vetëm një 1 miliardë lekë për zhvillimin rural dhe nga ky fond fermerët mund të përfitojnë vetëm thërrime.
Sipas tij, buxheti i vitit 2022 është 29 milion dhe jo 32 milionë euro, ndërsa gjithcksa tjetër që ka paraqitur qeveria janë fasadë, për të mbuluar vjedhjet që bëjnë. “Z. Rama po shet axhendat e tij politike si kryefjalë të Buxhetit 2022.Sot z. Rama, si një kaubojs që mendon se kontrollon, përveç parave, edhe mendjet e shqiptarëve, doli nga Kuvendi dhe ftoi në kafe disa fermerë. Por si gjithmonë pamë një tallava me rrena të pështira.
Shprehu habinë që fermerëve ju dukeshin pak 32 milion Euro të vëna në dispozicion për ta në buxhetin 2022 kur në fakt nuk ka parashikuar as çerekun e tyre. Buxheti 2022 për programin e Zhvillimit Rural që nuk është vetëm për fermerët të cilët robotohen duke punuar tokat apo ju shërbyer bagëtive të tyre është 29 milion dhe jo 32 milionë Euro. Së dyti, nga ky buxhet vetëm 1 miliardë lekë ose 8,3 milion Euro janë financime për zhvillimin rural ku mund të përfitojnë diçka edhe fermerët. Diferenca prej 2,4 miliardë lekë ose pak më pak se 20 milion Euro janë financime të huaja që do të shkojnë për industrinë Agroushqimore nëpërmjet programeve të mbështetjes nga Bashkimi Europian”, shkruan ai.
Sipas ekspertit, qeveria nuk ndan në mënyrë të barabartë as paratë që financohen nga ndërkombëtaret, madje në këto raste përfiton më shumë dhe fermerëve iu jep lëmosha. “Edhe disbursimi i këtyre parave në rastin më të mirë do të jetë 35% (përqind) pra maksimumi që mund të përfitohet prej tyre është 7 milion Euro. Dhe siç u tha kjo shumë nuk është për fermerët por për industrialistët e bujqësisë. Pra mbështetja e z. Rama për fermerët është lëmoshë po të kemi parasysh që mbështetja direke që Serbia, Maqedonia dhe Kosova ju japin fermerëve (atyre që punojnë në arë apo mbarështojnë bagëti) është 15 herë më e lartë”, shkruan Sherefedin Shehu. Sakaq, ai tha se fermerët nuk duhet të gënjehen nga fjalët e Ramës, por të gjithë duhet të ngrihen kundër qeverisë dhe në mbështetje të tyre.
Discussion about this post