UEFA mendon të ndryshojë rregullat e lojës në Superkupën Europiane

në Sport

Kohë leximi: 1 min

Superkupa e Europës, ku fituesit e Champions League dhe Europa League vihen përballë, do të jetë subjekt i disa ndryshimeve, epokale.

Organizmi kryesor europian i futbollit, UEFA ka vendosur të heqë kohën shtesë në rast të barazimit pas 90 minutave lojë. Kështu, menjëherë pas kohës së rregullt, do të kalohet te penalltitë, për të vendosur ekipin fitues.

Ndryshimi do të aplikohet duke filluar nga edicioni i radhës, ai i 16 gushtit 2023, ku sfidohen Manchester City e Sevilla.

Ashtu si me Champions League dhe Europa League, UEFA ka vendosur që ekipi i arbitrave të ketë në dispozicion ndihmën e teknologjisë. Bëhet fjalë si për Goal Line Technology ashtu edhe VAR.

Sfida mes Manchester City dhe Sevilla mund të jetë një nga edicionet e fundit të Superkupës së Europës me formatin e njohur tashmë.

Pas kësaj, fituesi i Champions League nuk do të përfshihet më në një ndeshje të vetme me fituesin e Europa League.

Gjithçka do të kalojë nëpërmjet një formati të ri që përfshin një Final Four (ku do përfshihet edhe fituesi i Europa Conference League). Megjithatë, aktualisht kriteret që do të vlejnë për aprovimin e formacioneve pjesëmarrëse nuk janë përcaktuar ende.