“Enrique ka mbërritur dhe po shijon ushqimet tona”/ Tiço flet për koncertet që do zhvillohen në Tiranë

Nga “Pushime on Top”, Iva Tiço ka treguar më shumë detaje rreth koncerteve të mëdha që priten të organizohen në Tiranë.

Ajo tha se këngëtari Enrique Iglesias ka mbërritur në Tiranë dhe se skena është gati përfundimit, për koncertin e nesërm.

“Koncerti që mezi e prisnim! Skena është pothuajse e mbaruar, Enrique ka ardhur në Tiranë, ka filluar të provojë nga ushqimi shqiptar”, tha Iva Tiço.

Si e sollët në Tiranë?

“Ishte kompania që e solli. Në fillim ishim në diskutim nëse do bënim koncerte me emra të mëdhenj, i pari që u konfirmua ishte Plácido Domingo që do të jetë në Tiranë në datën 7 shtator, dhe më pas janë konfirmuar dhe Enrique Iglesias dhe Ricky Martin. Është gjithashtu dhe Dj Martin Garrix dhe ai do vijë në 19 gusht”, tregoi Iva./SHQIP